«Ақорда капитал» ЖШС президенті медициналық аппарат алып берді
Әлемді дүрбелеңге салған COVID-19 жұқпалы індетіне шалдыққан пациенттерге көмек көрсету мақсатында «Ақорда капитал» ЖШС - нің президенті Алмас Рахметов Сырдария аудандық ауруханасына 400 000 теңге көлемінде демеушілік жасады. Аталған қаражатқа 6 дана пульсоксиметр және 2 дана монометрмен (оттегі тотықсыздандырғышы) сатып алынды. Дәл қазіргі қиын-қыстау күндері қос аппараттың көмегі зор. Коронавируспене күрес барысында жергілікті кәсіпкерлер мен шалғайда жүрген Сырдариялық жерлестеріміз көмек қолын созуда. Біз біргеміз! Жақынымызға жанашыр болайық!
