Тіршілік тынысы Сырдария аудандық қоғамдық-саяси газет

PDF нұсқалар мұрағаты

№ 26 газет

07 сәуір 2020 ж.

№ 25 газет

04 сәуір 2020 ж.

№ 24 газет

31 наурыз 2020 ж.

Жаңалықтар мұрағаты

«    Сәуір 2020    »
ДсСсСрБсЖмСбЖс
 12345
6789101112
13141516171819
20212223242526
27282930 
» » Сындарлы сәтте бірлік керек

Сындарлы сәтте бірлік керек

Қазақстанның Тұңғыш Президенті – Елбасы Нұрсұлтан Әбішұлы Назарбаев әлемді, оның ішінде елімізді шарпыған жұқпалы дертке қатысты қазақстандықтарға үндеу жариялады. Онда Елбасы осындай ауыр кезеңде барлық ел тұрғындарын Ел Президенті Қасым-Жомарт Тоқаев пен Үкімет тарапынан іске асырылып жатқан шұғыл шараларды қолдауға шақырды. Еліміздегі төтенше жағдайдың қажетті әрі маңызды қадам екенін атап өтіп, ең бастысы азаматтар мен мемлекеттің мүддесін қорғау жолында барлық қажетті шаралар жасалып жатқанын жеткізді.
Қазақстанның Тұңғыш Президенті осындай сындарлы сәтте  ұлттық бизнес өкілдерінің ел-жұртқа көрсетіп жатқан көмегі үшін ризашылығын білдірді. Яғни елімізге сын-қатер төнгенде қазақстандық кәсіпкерлер бір жағадан бас, бір жеңнен қол шығарып, ауызбірліктің арқасында көмектерін көрсетуде. Елбасы Н.Ә.Назарбаев кәсіпкерлерге қол астында еңбек етіп жүрген жандарға қаржылай да, моральдық тұрғыдан да жәрдемдеседі деп сенім білдірді. Осыған байланысты кәсіпкерлерді ел-халыққа қамқорлық танытуға шақырамын. Қолдан келгенше көмек қолын созып, осындай сындарлы сәтте бірлік, ынтымағымызды таныта білуіміз керек. Елдің бірлігі болғанда ғана барлық қиындық атаулыны еңсеретініміз анық. Сол себепті елдегі төтенше жағдай кезеңінде сабыр сақтап, татулығымызды көрсетуіміз қажет. «Біз біргеміз» ұранымен бұл уақытша кезеңнен де өтетініміз айқын.

Мадина ОМАРОВА,
"Серікбол" дүкенінің иесі, жеке кәсіпкер
20 наурыз 2020 ж. 122 0
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам