Сала мамандарына құрмет көрсетті

Шаған ауылында медицина қызметкерлерінің кәсіби мерекесіне орай сала ардагерлеріне құрмет көрсетті. 
Ұзақ жылдар бойы адам жанының арашысына айналған дәрігерлер бүгінде со еңбектің зейнетін көруде. Қоғамның денсаулық сақтау саласына қосқан елеулі үлестеріне ауыл әкімі Ұ.Абдраманова алғыс білдірді. 
– Әлемде бірнеше ардақты да құрметті мамандықтар бар. Соның бірі – дәрігерлер. Оларды “ақ желеңді абзал жандар, адам жанының арашашысы” деп жатамыз. Қалай атасақ та артықтық етпейді. Коронавирус індетімен күресте алдыңғы шепте жүрген ақ халаттылардың еңбегі ерен. Сіздердің адал еңбектеріңіздің арқасына тұрғындар сапалы медициналық көмек алып келеді. Баршыңызға мереке құтты болсын, – деді ауыл әкімі Ұ.Тұрғанбекқызы өз сөзінде. 
Өз кезегінде арнайы Алғыс хат пен мерекелік сыйлық табысталды. Медицина саласының ардагер қызметкерлері өз ризашылықтарын білдіріп, ақ батасын берді.  

 

Майя ҚОЖАБАЙ