Сырдарияда індеттен жазылғандар саны 25-ке жетті

Бүгін, яғни 02.05.2020 жылдың сағат 12:00 уақытында ауданымызда коронавирус індетінен қос бірдей науқас емделіп шықты.  Бұл туралы Сырдария аудандық ТКҚСмҚБ басқармасының басшысы Ерлан Ұзақбаев фейсбук әлеуметтік желісіндегі  жеке парақшасында жариялады. 

Емделушілерінің емі толық аяқталған соң, екі рет тест сынамасы алынды. Сынама нәтижесі теріс көрсеткіш көрсетуіне орай, яғни науқастар "COVID-19" вирусынан айығуына байланысты ауруханадан үйлеріне қайтарылды.

Індетті жеңген емделушілер Амангелді ауылының тұрғындары.

Емделушілер алдағы уақытта 14 күн бойы аймақтық дәрігерлер бақылауында болады.

Коронавирус инфекциясымен бүгінгі күнге дейін тіркелген 26 науқасымыздың 25-сі жазылып шықты.