Сырдарияда індеттен жазылғандар саны 20-ға жетті
28.04.2020 жылдың сағат 18:00 уақытына ауданымызда коронавирус індетінен тағы бір науқас емделіп шықты. Бұл туралы Сырдария ауданы әкімдігінің фейсбук әлеуметтік желесіндегі жеке парақшасында жарияланды. Емделушінің емі толық аяқталған соң, екі рет тест сынамасы алынды. Сынама нәтижесі теріс көрсеткіш көрсетуіне орай, яғни науқас "COVID-19" вирусынан айығуына байланысты ауруханадан үйіне шығарылды.
Індетті жеңген емделуші Амангелді ауылының тұрғыны.
Емделуші алдағы уақытта 14 күн бойы аймақтық дәрігерлер бақылауында болады.
Коронавирус инфекциясымен бүгінгі күнге дейін тіркелген 26 науқастың 20-сы жазылып шықты.
