Шаған және Н.Ілиясов елді мекеніне кіруге тыйым салынды

Елімізде жарияланған төтенше жағдайға байланысты бүгін ауданға қарасты бірқатар елді мекенге кіруге шектеу қойылды. 
Шаған мен Н.Ілиясов ауылдарының кіре-берісіне блок-бекеттер орналастырып, халыққа түсіндіру шаралары өтуде. 
–31 наурыздан бастап облысымызға карантин енгізілді. Індеттің таралуына жол бермеу мақсатында бүгін сырттан келетін бөтен адамдарға ауылға кіруге шектеу қойдық. Бұл сіз бен біздің амандығымыз үшін жасалып жатқан шаралар. Үйден шықпай санитарлық тазалықты қатаң сақтауға шақырамын, – деді Шаған ауылының әкімі Ұлбала Тұрғанбекқызы. 
Естеріңізге сала кетейік,  Шаған ауылында бүгінде 5 мыңға жуық, Н.Ілиясов елді мекенінде 2247 тұрғын бар.

Аталған ауылдарды жергілік полиция өкілдерімен арнайы мамандар күзететін болады.

Майя ҚОЖАБАЙ