Тіршілік тынысы Сырдария аудандық қоғамдық-саяси газет

PDF нұсқалар мұрағаты

№ 26 газет

07 сәуір 2020 ж.

№ 25 газет

04 сәуір 2020 ж.

№ 24 газет

31 наурыз 2020 ж.

Жаңалықтар мұрағаты

«    Сәуір 2020    »
ДсСсСрБсЖмСбЖс
 12345
6789101112
13141516171819
20212223242526
27282930 
» » Ерлікке тағзым

Ерлікке тағзым

Жеңіс! 1945 жылдың 9 мамырында дәл осы шаттық хабарды естіген адамның жүрегі жарылып кетердей болғаны айқын. Өйткені төрт жыл бойы күндей күркіреген соғыста – 1418 күн мен түнде олар барлық ерік-жігерімен осы сәтке ұмтылған. Міне от пен оқтың ортасында Отан үшін жауға тойтарыс беріп, Жеңіс таңының атқанына биыл 75 жыл толып отыр.
Жалпы Қазақстаннан барған 1 миллион 600 мыңдай жауынгер жауға қарсы жан аямай шайқасқан. Ұлы Отан соғысы жылдарындағы ерлігі үшін 500 қазақстандық Кеңес Одағының Батыры атағын алған. Олардың қатарында ауданнан Жаппасбай Нұрсейітов пен Нағи Ілиясов бар.
«Ерлік ешқашан ұмытылмайды» десек, кескілескен шайқаста ел үшін жан пида еткен жауынгерлер есімі ел жадында мәңгі сақталады. Олардың есімі ескерткіш тақтаға ойылып жазылып, кейінгі ұрпаққа Отанды қорғаған батырлар ерлігі әркез дәріптелуде. Осы мақсатта әрбір аудан, елді мекенде боздақтардың құрметіне Тағзым алаңы орнатылып, онда соғысқа қатысқан жа­уынгерлер есімі арнайы тақтаға жа­зылған.
Аудан орталығындағы Жаппасбай Нұр­сейітов атындағы саябақта Ұлы Отан соғысында қаза тапқан боз­дақ­тарға арналған Тағзым алаңы бар. Бұл сырдариялықтардың Жеңісті жақын­датып, майдан даласынан оралмай қал­ған жауынгерлер ерлігіне тағзым ететін орын.
Боздақтарға арналған ескерткіш 1975 жылы Ұлы Жеңістің 30 жылдығы қарсаңында салтанатты түрде ашылған. Мұнда аудан көлемінде Ұлы Отан со­ғысына қатысушылардың тізімі мәрмәр тасқа жазылған. Мұнда аудандағы әр ауылдан барлығы 2902 боздақтың есімі бар. Қақ ортада қолындағы жа­рылғышты лақтыруға бейімделген жауынгер бейнесі орнатылған. Алдында мәңгілік от алауының орны бар. Сондай-ақ «Тағзым» алаңында зеңбірек тұр. Ескерткіш ұзындығы – 120 метр, ені – 50 метр.
Тағзым алаңында мәдени шаралар ұйымдастырылып, онда соғыс және еңбек ардагерлерінің қатысуымен жастарға патриоттық тәрбие беру жұмыстары жүр­гізіліп келеді. Жыл сайын мұнда 9 мамыр – Ұлы Жеңіс күнінде арналған салтанатты шара өткізіліп, сырдариялықтар жауынгерлер ерлігіне тағзым етеді. Ескерткіш аудан орталығындағы бірден-бір мәдени шара өтетін орталыққа айналған.
Тағзым алаңындағы «Ешкім де, еш­­­теңе де ұмытылмайды» деген жа­зу бүгінгі бейбіт өмір кешіп жатқан халық­тың боздақтарға деген ерекше құрметін сездіріп тұр.

Ердос БЕРКІНБАЕВ 
11 наурыз 2020 ж. 156 0
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам