Мәңгілік тағзым
2018 жылы Сырдария ауданының құрылғанына 90 жыл толып, мерейлі мерейтойда Тереңөзек кентінде «Парасат» алаңы ашылды. Алаңға киелі ауданнан шыққан Кеңес Одағы батырларының, Социалистік Еңбек Ерлерінің және мемлекет және қоғам қайраткерлерінің ескерткіш-бюсттері қойылды. Атап айтқанда, онда Қазақстанның Халық жазушысы, драматург, аудармашы жерлесіміз – Қалтай Мұхамеджанов, сатира сардары Асқар Тоқмағанбетов, қазақ поэзиясының көрнекті тұлғасы Әбділда Тәжібаев, Кеңес Одағының батыры Нағи Ілиясов, Жаппасбай Нұрсейітов, Ұлы Отан соғысының ардагері, Қызылорда облысының «Құрметті азаматы» Бекайдар Жүсіпов, Социалистік Еңбек Ерлері Балдырған Мұстапаева, Күләнда Әбдіраманова, Цой Ги Хва, Қасым Бөдеев, Дүйсенбай Керейтбаев, Ибадулла Ақниязов, Ахмет Халықовтардың ескерткіш-бюсті бар.
