«IT әлемі» мультимедиялық фестивалінде бақ сынады

Жақында аудандық білім бөлімінің әдістемелік кабинеті және оқушылар үйінің ұйымдастыруымен «IT әлемі» атты мультимедиялық фестиваль өткізілді. Фестивальді оқушылар үйінің директоры Ә.Баймен ашып, оқушыларға сәттілік тіледі. Негізінен фестивальдің мақсаты: Талантты шәкірттерді қолдау мен компьютерлік техниканы және жаңа ақпараттық технологияларды меңгерудегі жетістігін насихаттау, ғылыми зерттеушілік қабілетін дамыту болып табылады.
Фестиваль барысында ауданға қарасты мектептердің «Робототехника» бағыты бойынша көрмесі көрсетілсе, оқушылар үйінің «3Д модельдеу» үйірмесі мүшелері шеберлік сағатын өткізді. Ал робототехника бағытының «Лего» саласы бойынша конкурста оқушылар шеберлік байқасты. Сонымен қатар «Бағдарламалау негіздері» бойынша екі өлшемді және үш өлшемді анимация және үлгілеу яғни, анимация негізінде модельдеу жұмысы жасалды. Компьютерлік фильмдер визуалды программалау тілінде және Web–дизайн, web-программалау жобалар сайысы ұйымдастырылды .
Фестивальді аудандық білім бөлімінің әдіскері А.Абдрасилова қорытындылап, жеңімпаз атанған оқушыларды арнайы дипломмен марапаттады.