Жақында аудандық әуез мектебінде Елбасы Н.Назарбаевтың «Болашаққа бағдар: Рухани жаңғыру» атты мақаласы аясында оқушылар арасында «Мың бір мақал, жүз бір жұмбақ» сайысы өткізілді. Шарада осы мектеп оқушылары бес кезең бойынша сайысқа түсті. Төрт топқа жеребе арқылы бөлінген оқушылар бірінші кезеңде өздерін таныстырды.
Екінші кезең бойынша сайысқа қатысушылар мақал құрастырып, жүйріктіктерін байқатты. Сонымен қатар, еңбек және тағы да басқа тақырыптарда тың естімеген мақалдарды айтты. Келесі кезең бойынша жұмбақтар жасырылып, оқушылар жауабын тапты. Сондай-ақ, сайыскерлермен қатар көрермендер де ақыл-ойдың жарысына белсене қатысты. Қорытынды бөлімде жұмбақтар жасырылып, педагогикалық ұжымнан құралған әділ қазылар алқасы төрт топтың ішінен жеңімпаздарды анықтады.
Жарыс соңында әуез мектебінің өнерпаздары әннен шашу шашып, күмбірлеген күйге бөледі. Ұстаздар барлық қатысушыларға Дипломдар мен Алғыс хаттар тапсырды.