Ауыл тұрғындары лотерея жеңімпазы атанды

Жақында Асқар Тоқмағанбетов ауылында шаруашылық директоры Меңдіғали Есжановтың бастамасымен  ауыл тұрғындарына әлеуметтік қолдау көрсету мақсатында «Лотерея» ойыны ұйымдастырылды.

Лотерея ойынын ойнатудың басты мақсаты карапайым ауыл тұрғындарын,  көп балалы отбасылырды тұрмыстық заттармен қамтамасыз ету болып табылады. Ұтыстың негізгі сыйлықтарына тоңазытқыш, теледидар, газ плитасы, кір жуатын машина, нан жабатын пеш, ұялы телефон, кілем және тағыда басқа күнделікті тұрмыста қолданылатын заттар қамтылды. Сонымен қатар арнайы жастарға арналған лотерея билеті ойнатылып, ауыл жастарының қызығушылығын арттырды. Өз кезегінде сыйлыққа қол жеткізген ауыл тұрғындары шаруашылық басшысына алғысын айтты.

Ауыл өнерпаздары ән айтып, би биледі.

«ТТ»-ақпарат