Мобильді топ Аманкелді ауылында

Кеше Сырдария аудандық ауруханасы жанынан құрылған мобильді топ Аманкелді дәрігерлік амбулаториясында ауыл тұрғындарын қабылдау жүргізді. Мобильді топ құрамында терапевт, кардиолог гинеколог, әйелдер және ерлер қарау бөлмелері фтизиатр, психолог мамандары мен түрлі сала бойынша дәрігерлер болды.

Сала мамандары тұрғындарға көрсетілетін медициналық көмектің қолжетілімдігін арттыру, мамандандырылған көмек көрсету мақсатында профилактикалық қарау ұйымдастырды. Қабылдау барысында пациенттерге скрининг пен диспансерлік бақылауға уакытылы келу және МӘМС жүйесі жөнінді түсіндірме жұмысы жүргізілді. Тегін медициналық көмектің кепілдендірілген көлемінің жаңа моделі, ТМККК және МӘМС пакеттері, принциптері мен тәсілдері, жедел және жоспарлы стационарлық көмек, халықтың мәртебесін анықтау және жарна төлеу тәсілдері туралы халыққа кеңінен айтылды.

"ТТ"-ақпарат