Күнделікті қозғалыс адам денсаулығына пайдалы

Қазiргi замандағы адам қозғалысының шектелу себебі – автокөлік, смартфон, компьютер немесе прогрестік жетістіктер. Дене қозғалысының шектелуі организмдегi көптеген жүйе қызметiн бұзып, жұмыс қабiлетiн төмендетiп және денсаулық жағдайын нашарлатып, адамның өз биологиялық табиғатына қарсы әсер етедi. Дене тәрбиесiмен айналысу әйелдер үшiн маңыздылығы зор, себебi саналы және сапалы ұрпақтың болуы аналар денсаулығына байланысты. Соңғы кезде өмiр сүрудiң қысқаруымен бiрге, физиологиялық пiсiп-жетiлмеу көп көрiнiс берiп жүр. Семiздiк, жақыннан көргiштiк, омыртқа жотасының қисаюы, жалпақ табандылық, т.б. Бұл құбылыстар адам өмiрiнiң соңына дейiн терiс iз қалдыруы мүмкiн. Олар жасөспiрiмдiк кезеңде жыныстық дамуды тежеп, дене және ақыл-ойдың жұмыс қабiлетiн төмендетiп, ерте қартаюға әкеп соғады. Қозғалыс белсендiлiгiн арттыру тек семірудің немесе жүрек-қантамыр жүйесі ауруларының ғана алдын алып қоймай денсаулықты, көңіл күйді жақсартып, депрессияға төзімділікті арттырады.

Г.Жаналиева,
«Қызылорда облыстық салауатты өмір салтын қалыптастыру орталығы» ЖШС-нің Сырдария ауданы бойынша маманы.