Дұрыс тамақтанып жүрсіз бе?
Күнделікті дұрыс тамақтанбау, дене белсенділігімен айналыспау, зиянды әрекеттерге бой алдыру, күйзеліске бейімділік – бұл қауіпті факторлар. Демек, адамның өмір сүру салты денсаулығына тікелей әсерін тигізеді. Күнделікті әдетке айналдырған фаст-фудпен тамақтану, газдалған тәтті сусындарды тұтыну, аса көп мөлшерде тұздалған балық, тұздалған майлы ет пен шұжық, қытырлақ картоптар мен кириешки және т.б. тағамдардың ағзаға түсуі, сонымен қатар темекі шегу, есірткі, насыбай, кальян мен алкоголь суррогаттарының адамның қан тамырларының ластануына әкеп соқтырады. Аса көп мөлшердегі қант, тұз бен трансмайлардың тұтыну жиілігіне байланысты дәрігердің Сізге қояр диагнозы остеохондроз, гастрит, язва, полип, миома, киста, папиллома, семіздік, гипертония, диабет және ең сорақысы обыр және көптеген аты аталмаған аурулар болуы ғажап емес.
Дұрыс тамақтану, күніне 30 минут дене белсенділігімен айналысу, зияңды әдеттерге «жоқ» деп айту – көптеген созылмалы аурулардың алдын алуға кепіл.
Г.Жаналиева,
«Қызылорда облыстық салауатты
өмір салтын қалыптастыру орталығы»
ЖШС-нің Сырдария ауданы бойынша маманы
