Комиссия отырысы өтті
Бүгін аудан әкімінің орынбасары Д.Байдушевтің төрағалығымен діни экстремизм мен терроризмге қарсы комиссияның жұмысын жетілдіру мақсатында семинар-кеңес өтті. Семинарға кент және ауылдық округ әкімдері, аудандық ақпараттық түсіндіру топ мүшелері, жастар ресурстық орталығының мамандары қатысты.
Семинарда аудан әкімі аппаратының жұмылдыру дайындығы және аумақтық қорғаныс бөлімінің бас маманы Н.Омаров, аудандық ішкі саясат бөлімінің басшысы А.Мырзахметова аудандық терроризмге қарсы комиссияның жұмысын жетілдіру және оны ақпаратпен қамтамасыз етуді ұйымдастыру мәселелері бойынша хабарлама жасады.
Сонымен қатар аудан әкімімен бекітілген кент және ауылдық округ әкімдеріне арналған арнайы алгоритмі, аудан аумағындағы профилактика жұмыстарының жоспарлары, аудан бойынша діни экстремизм мен терроризм профилактикасы бойынша 2020 жылға әлеуметтік жобаның жоспары қаралып, талқыланды.
"ТТ ақпарат"
