ТҮСІНДІРМЕ ЖҰМЫСТАРЫН ЖҮРГІЗДІ

Өрт қауіпсіздік шараларын сақтамаудан көп жағдайларда төтенше жағдайлар орын алатыны белгілі екені анық.  Осы орайда, «Атамекен» Қызылорда облысының кәсіпкерлік палатасының аудандық филиалында аудандық төтенше жағдайлар бөлімімен бірлескен түрде кәсіпкерлерге өрт қауіпсіздік саласы бойынша түсіндірме жұмыстары жүргізілді. 
Бөлімнің аға инженері Рүстем Беркимбаев кәсіпкерлер үшін өте тиімді ақпараттар беріп, жан-жақты мағлұматтарды жеткізді. Сонымен қатар, төтенше жағдай орын алған кезде сақтық шараларын қамтамасыз ету тетіктерін түсіндірді. Кездесу барысында  жергілікті кәсіпкерлер өз сауалдарын қойып, тұщымды жауаптарын алды.
 Сала мамандары алдағы уақытта аудан бойынша түсіндірме жұмыстарын жалғастыратын болады.
Балтабай ОРДАБЕКОВ