Бірқатар мәселе талқыланды
Ауданға іссапар аясында халық қалаулылары Н.Ілиясов ауылында болып, №132 Т.Айтбаев атындағы орта мектеп, ауыл мешіті, спорт кешені және ауыл әкімшілігінде болды. Ауылдық мәдениет үйінде Қазақстан Республикасы Парламенті Мәжілісінің әлеуметтік-мәдени Даму Комитетінің «Отбасының әлеуметтік картасын ендіру барысы туралы» көшпелі отырысы өтті.Көшпелі отырысты Мәжілістің әлеуметтік-мәдени Даму Комитетінің төрайымы Г.Әбдіқалықова басқарды. Күн тәртібінде «Қазақстанда әлеуметтік-отбасылық картаны енгізу және оны қолдану перспективалары туралы», «Әлеуметтік қызметтер мен көмек көрсетудің интеграцияланған моделін дамыту», «Балалардың құқықтарын қорғау», «Медициналық көмекті ұйымдастыру» мәселелері қаралды.
"ТТ"-ақпарат
