Мемлекет басшысы Н.Ә.Назарбаевтың "Қазақстандықтардың әл-ауқатының өсуі: табыс пен тұрмыс сапасын арттыру" атты Жолдауын насихаттау мақсатында кеше Қазақстан Республикасының Парламенті Мәжілісінің депутаттары Қожахан Жабағиев, Байділдә Жылқышиев және Наталья Жумадильдаева Сырдария ауданында жұмыс сапарымен болды.

Депутаттар Шіркейлі ауылындағы №129 Ә.Жәмішев атындағы орта мектебінің мұғалімдерімен кездесті.

Кездесу барысында Қазақстан Республикасының Парламенті Мәжілісінің депутаттары Елбасы Жолдауының негізгі мақсаттары мен міндеттерін түсіндірді.

Өз кезегінде мәжілісмен Қожахан Жабағиев пен Байділдә Жылқышиев еліміздің экономикалық, әлеуметтік және мәдени дамуы қарқынды екенін атап өтті. Ал, Наталья Жумадильдаева Елбасының Қазақстан халқына арнаған биылғы Жолдауы – қоғамдағы әлеуметтік, экономикалық мәселелерге жауап беретін саяси маңызды құжат екеніне тоқталды.

Кездесу қорытындысында Жолдаудың негізгі бағыттары талқыланды.