Қазақ әдебиетіндегі дара тұлға

Жақында Сырдария аудандық орталық кітапханада қазақтың көрнекті жазушысы Б.Майлиннің туғанына 125 жыл толуына орай «Қазақ әдебиетіндегі дара тұлға» тақырыбындаәдеби-портрет кеші өткізілді. Мәдени шарада көркем әңгімелері арқылы өзі өмір сүрген заман тынысы мен қоғам өмірін энциклопедиялық кемелдікпен сомдай алған ұлы суреткер жөнінде кеңінен айтылды.

Шара барысында кітапхана қызметкерлері Д.Пазылбекова Қ.Әмірғазиннің Б.Майлинге "Арнау" өлеңін оқыды. Ал С.Сейтен және Г.Әбенова "Ыбыраймысыз, Ыбыраймыз" қойылымын сахналады. Сонымен қатар кітапхананың тұрақты оқырмандары Е.Өскінбаева жазушының "Құбақан" өлеңін, Б.Алмасұлы "Кедейлер" өлеңін жатқа оқыды. Кітапханашы М.Әлиева "Терең тамырлы тұлға" атты кітап көрмесімен таныстырып, библиографиялық шолу жасады.

«ТТ»-ақпарат