Бүгін – Халықаралық қарттар күні

Қазақстанда 2 млн-нан аса зейнет жасындағы адам бар. Әр жыл сайын зейнеткерлерге әлеуметтік бір реттік көмек көрсетіледі. Осы жылы ол 6313 теңгені құрайды, – деп хабарлайды 24.kz

Мерекеге орай фотокөрме, флешмоб, арнайы экскурсиялар ұйымдастырылады.

Ардагерлердің ғұмыр бойы жасаған еңбектеріне әрі мемлекетіміздің қалыптасуына қосқан зор үлестеріне сай сый-құрмет көрсетіледі. Биыл да мерейлі мереке өз деңгейінде аталып өтіледі. Осыған орай Жастар сарайында қарияларға арналған мерекелік іс-шара ұйымдастырылған.

Қарт адамға деген ықылас жыл сайын артып, мемлекет тарапынан оларға көрсетілетін көмектің көлемі де ұлғайды. Сондай-ақ қарттар үйіндегі қарияларға да ерекше қолдау көрсетіліп, мерекелік іс-шара болады. Қазіргі уақытта әлеуметтік, медициналық, психологиялық көмек те тиісінше көрсетілуде.