Үдеден шыққан биікке самғайды

Аудан әкімдігінде ҚР Мемлекеттік қызмет істері агенттігінің Қызылорда облысы бойынша депар­таментінің ұйымдастыруымен аудан ак­тивімен кездесу өткізілді. Оған аудан әкі­мі­нің орынбасары Е.Ахетов, ҚР Мемлекеттік қыз­­мет істері агенттігінің Қызылорда облысы бо­йын­­ша департаменті бас­шысының орынбаса­ры Е.Қарымсақов, мемле­кеттік қызметтер басқар­масының басшысы Ғ.Ілкі­баев, мемлекеттік қызмет басқармасының басшысы Е.Сарымбетов, ҚР Мем­лекеттік басқару ака­де­миясының Қызыл­орда об­лыстық филиалының профессоры, Заң ғылым­дарының докторы А.Мада­лиева, дербес бөлім және мекеме басшылары, сала мамандары қатысты.

Жиын барысында департамент басшысының орынбасары Е.Қарымсақов сөз алып, аудан акти­вімен кездесудің негізгі бағыттарын атады. Сонымен бірге Президенттік жастар кадрлық резерві туралы насихаттау жұмыстарын жүргізу, мемлекеттік көрсетілетін қызмет мәселесі, мемлекеттік қыз­метшілермен әдеп нормаларының сақталуы және мемлекеттік қызметшілердің біліктілігін арттыру жөнінде түсіндірме жұмысы жүргізілетінін жеткізді.

Өз кезегінде Президенттік жастар кадрлық ре­зерві туралы хабарламаны Е.Сарымбетов жасап, құжат қабылдау, іріктеу талаптарын жан-жақты түсіндірді. Іріктеу шарасы қыркүйек айы­­­нан бастап жүзеге асуда. Талантты жастарға ар­налған Президенттік жастар кадрлық резервінің мүм­кіншілігі жоғары. Дарындылығымен көзге түскен жас­­тар үшін алдағы ашық әрі тиімді әлеуеттік орта қалыптастыру қарастырылған. Мемлекет басқару жүйесіне іріктелген кадрлар басшылық қызметке тартылады деп көзделуде. Осы орайда маңызды мәселенің өзегіне терең бойлаған сала басшысы іріктеу кезеңдерінің негізгі талаптарын көрсетті. Кездесуде «Көрсетілетін мемлекеттік қызметтердің жәй-күйі және мемлекеттік қызметшілермен Әдеп нормаларының сақталуы» туралы Ғ.Ілкібаев хабарлады. Ал А.Мадалиева Мемлекет басшысы Қ.Тоқаевтың «Сындарлы қоғамдық диалог – Қазақстанның тұрақтылығы мен өркендеуінің негізі» тақырыбындағы атты Қазақстан халқына арнаған Жолдауынан туындайтын міндеттерге тоқталды.

Жиын соңында аудан әкімінің орынбасары Е.Ахетов алдағы уақытта аталған мәселелер бойынша жан-жақты талқылау жүргізілетін жеткізді. Тиісті мем­лекетік қызметшілердің міндеті айқындалып, халықпен тығыз жасау тетігі сараланды.

Б.ОРДАБЕКОВ