ЖҮЙРІКТЕР ЖАРЫСЫ
Мүмкіндігі шектеулі жастар басқа да спорт түрлерімен қатар жеңіл атлетикамен де айналысады. Аудандық ішкі саясат бөлімінің қолдауымен, «Алғыр ой» коммерциялық емес жеке қордың ұйымдастыруымен өткізілген 100 метр қашықтыққа жүгіруден кент пен ауылдардан оннан астам спортшы қатысып, бақ сынады. Желаяқтар жарысында жүйріктер өзгелерден озып, дараланды. Бірінші орынды Нұржан Қаратаев жеңіп алса, екінші орынды Ербол Назаров еншіледі. Ал, үшінші тұғырдан Диас Әлжанов көрінді.
Жарыс қорытындысында жеңімпаздар ақшалай сыйлықпен марапатталса, ал барлық қатысушы ынталандыру сыйлығына ие болды.
Ш.БАЛТАБАЙҰЛЫ
