Білім қызметкерлері арасында саламатты өмір салтын қалыптастыру, бұқа­ралық спортты дамыту мақсатын­да жыл сайын ұйымдастырылатын жарыс тартысты өтті. Бір күнге жалғасқан спорт мерекесінде аудандық, облыс­тық, республикалық сайысқа аудан командасын жасақтауда үздіктер анықталды.

Екі жүзге жуық спортшы-мұға­лім­дер­дің басын қосқан жарыс қоры­тын­дысы бойынша жүлдегер­лермен қатар аяқдоп ойынының үздік­тері де марапатталды. Атап айтқанда «Үздік ойыншы» номинациясын №210 О.Әбілпаттаев атындағы мектеп-лицейден Айбек Айдаров, «Үздік шабуыл­шы» номинациясын №131 Т.Қозыбаев атындағы мектеп-лицей­ден Нұрғали Күнтуғанов, «Үздік қақпа­шы» номинациясын №137 орта мектептен Абылай Нұрышов, «Үздік команда жетекшісі» номинациясын №132 Т.Айтбаев атындағы орта мектеп командасының ойыншысы Бағдат Бекшеев иеленді.

Жалпы командалық есепте бірінші орын­ды №132 Т.Айтбаев атындағы орта мектеп командасы, екінші орынды №131 Т.Қозыбаев атындағы орта мектеп ойыншылары және үшінші орынды сейфуллиндік №137 орта мек­теп командасы жеңіп алды.

Жеңімпаз команда облыстық іріктеу жарысына жолдама алып, аудан намысын қорғайтын болады.

Аудан оқушыларына білім берумен қатар бұқаралық спортты насихаттауда спортты серік еткен ұстаздар қауымы жарыс жолында бір сергіп, саламатты өмір салтын ұстанатындарын тағы бір мәрте көрсетті.