Турнирге Сырдария аудандық мәслихатының төрағасы Ержан Әжікеновтің тапсырмасы бойынша мәслихат аппаратының басшысы Гүлназ Божан бастаған ұжым қызметкерлері мен аудан спортшы­лары қатысты. Турнирде мәсли­хаттың бас маманы Самат Токманов, аудандық қоғамдық ке­ңес хатшысы Жандос Әбубәкіров және мәслихатпен тығыз байланыс орнат­қан аудан тұрғындары Райкүл Ешмұратова мен Ұлпан Елеусінова жақсы қырынан танылды.

Спорттық іс-шараға облыстық мәслихат­тың экология, өндіріс, шар­уа­шылық және кәсіпкерлікті дамы­ту мәселелері жөніндегі тұрақ­ты комиссия төрағасы Бауыржан Сандыбаев қатысып, турнирге қатысу­шыларға сәттілік тіледі.

– Бүгін өздеріңізбен ҚР Мәсли­хат­­­тарының 30 жылдығы аясында Қызылорда облыстық мәс­­ли­хаты және Қызылорда облыс­­­тық тоғызқұмалақ зият­кер­­лік қауым­дастығымен бір­лесе ұйым­дас­тырылып отырған «Абай жүл­десі» тоғызқұмалақ тур­нирі­­нің ашылу салтанатында кез­дес­ке­німізге қуаныштымыз. Биыл мәс­лихаттардың құрыл­ғаны­на 30 жыл мерекесі аталып өтілуде. Сон­дықтан біз бұл атаулы мерекені стра­тегиялық ойлау қабіле­тін дамы­татын іс-шараларды ұйым­дастыру арқылы атап өтуді жөн көрдік. Тоғызқұмалақтан Қызылор­да облысының рейтингтік көрсет­кіштері соңғы үш жылда алғашқы орындарды иеленіп келеді. Қазіргі таңда тоғызқұмалақ спорты еліміз­де қарқынды дамуда. Сол себепті алдағы уақытта бұл бастаманы одан әрі жалғастырып, осындай турнирлерді жиі өткізуге белсене атсалысуымыз қажет, – деді Б.Сандыбаев.

Мұнан соң облыстық тоғыз­құмалақ зияткерлік қауым­дасты­ғының президенті Әбдіқадыр Ергешбаев сөз алып, аталмыш спорт түрінің тарихына тоқталып, өз кезегінде қатысушыларға жеңіс тіледі. Сондай-ақ бас төреші Хакімжан Елеусінов қатысушылар­ға жарыстың ережесі мен регла­мен­тін түсіндіріп өтті. Өз кезе­гінде дүниежүзілік және ҚР Тоғыз­құмалақ федерациясының прези­денті А.Бәйменов турнирге қатысушыларға арнайы видео құт­тық­тауын жолдап, іс-шараның сәтті өтуіне тілектестік білдірді.

Айта кетсек, турнирде барлық деңгей­дегі мәслихат аппаратының қызмет­керлері, қоғам белсенділері және БАҚ өкілдері барлығы 36 ойыншы швейцар жүйесі бойын­ша 7 тур бойы бақ сынасты. Сыр­дария ауданының намысын қор­ға­ған Райкүл Ешмұратова жүл­делі ІІ орынды иеленді. Қал­ған қатысушылар ынталардыру сыйлы­ғымен, Алғыс хатпен марапат­талды. Жеңімпаздар мен жүлде­герлерге арнайы дипломдар, медальдар берілді. 7 турдан тұра­тын турнирдің І және ІІ орын жеңім­паздары тамыз айында Астана қаласында өтетін финалдық жарыс­қа жолдама алды.