Нұрдос Сабыр ауыр атлетикадан жасөспірімдер арасында әлем чемпионы атанды
![](/uploads/posts/2024-05/medium/1716786009_2024_05_26_img_7578.jpeg)
Нұрдос 89 келіге дейінгі салмақта үздік атанды. Ол қоссайыс қорытындысы бойынша 333 (148+185) келіні еңсерген.
Күміс медальді Валерик Мовсесян (Армения), қоланы Бекзод Гофиржанов иеленген.
Айта кетелік, былтырғы әлем біріншілігінде Нұрдос Сабыр екінші орынға тұрақтаған еді.
Бұған дейін Перудегі әлем чемпионатында Ақжол Құрманбек 67 келіге дейінгі салмақта күміс медаль алған.
Фото: Olympic.kz