Криштиану Роналду жаңа рекорд орнатты

Халықаралық футбол тарихы мен стастикасы федерациясының ресми сайты Криштиану Роналдудың ұлттық чемпионаттарда ең көп гол соққан футболшы атанғанын хабарлады, деп жазады Egemen.kz.

Сауд Арабияның «Әл Наср» клубында ойнайтын Роналду 29 тамыз күні «Әл Шабаба» қақпасына екі гол соғып, рекордқа тағы бір рет түзету енгізді. Аталған екі гол арқылы 38 жасар португалдық әйгілі футболшы чехословакиялық Йозеф Бицанды және венгриялық Ференц Пушкашты соңына қалдырды.

И.Бицан мен Ф.Пушкаш 515 голдан соқса, осы күндері Роналдуда 517 гол бар. Аталған үш ойыншы ұлттық чемпионаттарда 500-ден аса гол соққан бірегей футболшылар қатарында тұр.  496 гол соққан әлем чемпионы Лионель Месси төртінші сатыдан көрінді.

Ұлттық чемпионаттарда ең көп гол соққан рекордшы Криштиану Роналду осы күндері Сауд Арабияның футбол командасында ойнайды, ол Португалия, Англия, Испания, Италия чемпионаттарында доп тепкен.

Фото: ашық дереккөзден