Тартысты теңбіл доп додасы

Өткен аптада аудан­дық ішкі саясат бөлі­мі­нің «Радикалдық көз­­қарас» әлеу­меттік ма­ңызды жоба­сы аясында «Иман – 2013» қоғамдық қорының ұйымдас­ты­руымен мұсыл­мандар меші­ті­нің жамағаты арасында кіші футболдан жа­рыс өткізілді.

Жарысқа «Мешіт», «Жас­тар», «Қалжан ахун», «Бірлік» құра­масы қатысып, өзара мық­тыны анықтады. Кіші футболдың қыр-сырына қаныққан құрама мүшелері жарыстың көркін қыз­дырды. Теңбіл доп бәсекесіне қатысушылар арасында діни экстремизм бойынша түсіндірме жұмысы жүргізілді.

– Еліміз жат ағымдармен күрес жүйелі жүргізіліп келеді. Діни алауыздық болдырмау үшін жастарға дұрыс бағытты нұсқауымыз керек. Сонымен бірге саламатты өмір салтын қалыптастыру – негізгі мақсат. Жат ағымның негізгі көріністерінен бойымызды аулақ ұстап, тыныштық пен татулықты негізін қалауымыз керек, – дейді «Иман – 2013» қоғамдық қорының төрағасы Муса Келдібаев.

Жарыстың қорытындысында, жүлделі І орынды «Мешіт» құрамасы, ІІ орынды «Қалжан ахун» құрамасы, ІІІ орынды «Бірлік» құрамасы иеленді. Сонымен бірге жарысқа қатысушылар «Үздік қақпашы», «Үздік шабуылшы», «Үздік ойыншы», «Үздік қорғаушы» номинациясымен марапатталды.

Балтабай ОРДАБЕКОВ