Қызылордалық «Қайсар» Түркиядағы оқу-жаттығу жиынын қорытындылады

Қызылордалық «Қайсар» Түркиядағы оқу-жаттығу жиынын «Тюменьге» қарсы жолдастық кездесумен қорытындылады, – деп хабарлады Syrboyi.kz

Сұлтан Әбілдаевтың шәкірттері бұл кездесудеде ерекше ойынымен көзге түсті. Матч басталысымен Стефан Денкович есеп ашса, Сергей Карпович үзіліске санаулы минуттар қалған сәтте екінші допты соқты.
Ойынның екінші жартысында жас ойыншы Данияр Әлімжан есепті еселеп, кездесудің 3-голын соқты. Кездесу барысында қарсыластар 11 метрлік айып добын тебуге мүмкіндік алған, алайда қақпашы Артем Леонов пенальтиды тосып, «Қайсардың» жеңісіне үлес қосты. Қорытынды есеп 3-1!

Айта кетейік, 28 қаңтарда бастау алған оқу-жаттығу жиынында қасқырлар 8 жолдастық кездесу өткізіп, 4-еуінде жеңіске жетсе, 3 ойында тең нәтиже тіркелді. Тек «Факелмен» өткен кездесуде қызылордалық команда қарсыласқа есе жіберді