"Қайсар" "Тобылдан" басым түсті
Футболдан OLIMPBET Қазақстан біріншілігінің 7 турында қызылордалық "Қайсар" "Тобылды" қабылдап, 2-1 есебімен басым түсті. Ойынның алғашқы жартысында қасқырлар алғашқы шабуылын голға айналды. Ілиястың алыстан бағыттаған добын, Реджиналдо голға айналдырды. Есеп 1-0!
Кездесудің екінші жартысында қонақтар тайлы-тұяғымен шабуылға шығып, кездесудің 63-минутында есепті теңестірді. Бұрыштамадан келген допқа Сергей Малый бірінші жетіп, Заруцкий қорғаған қақпадан саңылау тапты. Алайда қонақтардың қуанышы көпке созылмады. Ойынның 76-минутында қасқырлардың капитаны Асхат Тағыберген 35 метр қашықтықтан допты шірене теуіп, командасын алға шығарды. Есеп 2-1! Бұл есеп ойынның соңына дейін сақталып, қасқырлар біріншіліктегі 4 жеңісіне қол жеткізді.
