Сырдариялық тоғызқұмалақшылар жүлдегерлер қатарында

Тоғызқұмалақтан жастар арасында Қызылорда облысының жекелей чемпионаты өтті. Чемпионат iggamecenter.com сайтында онлайн жүйеде ұйымдастырылып, оған сырдариялық тоғызқұмалақшылар қатысты.

Аймақтан қатысқан 50-ден аса спортшы тоғызқұмалақтың рапид түрі бойынша өзара бақ сынады.

Чемпионатта сырдариялық спортшылар жақсы нәтиже көрсетіп, жүлдегерлер қатарынан көрінді. Атап айтқанда, ұлдар арасында Ерасыл Пернебай І орынды және Марлен Аманқос ІІІ орынды жеңіп алды. Ал қыздар арасында Нұрай Мектепхан ІІ орынды, Әсем Дәуренбекқызы ІІІ орынды иеленді.

Сондай-ақ жарыстың «Ең жас ойыншылары» қатарында сырдариялық Мөлдір Жандарбек бар. Жарыс жеңімпаздары мен жүлдегерлері арнайы диплом және медальмен марапатталды.

Сырдариялық тоғызқұмалақшыларды жеңісімен құттықтаймыз!