"Нағи құрамасы" топ жарды

Сырдария ауданында аудандық ішкі саясат бөлімінің тапсырысына сәйкес «Жас Орда» жастар қоғамдық бірлестігінің ұйымдастыруымен «Денсаулық – зор байлық» тақырыбында қыздар арасында волейболдан сайыс өтті.

Жарысқа "Нағи құрамасы", "Өзіміздің қыздар", "Сәкен құрамасы" және "Тереңөзек сұлулары" құрамалары қатысып, жарыс көрігін қыздырды. Сайыс ережесі бойынша әр команда қарсыластарымен бір ойыннан ойнап көп ұпай жинаған команда жеңімпаз аталды. Сайыс қорытындысы бойынша «Сәкен құрамасы» ІІІ орын, «Өзіміздің қыздар» ІІ орын, «Нағи құрамасы» І орын иемденді. Сонымен қатар сайысқа қатысып белсенділік танытқан "Тереңөзек сұлулары" командасы арнайы сыйлық алды. Өз кезегінде жеңімпаздар марапатталды.

"ТТ"-ақпарат