Ауылда өткен марафон
Қалжан ахун ауылында 3 шақырымға жаяу жүгіру жарысы өтті. Қалжан ахун ауылдық мешітінің имамы Кенжебек Тұсмағанбетов ұйымдастырған шараға 43 марафоншы қатысты. Ұлдар тобында Елшат Қуаныш І орынды, 9-сынып оқушысы Мәди Маратов ІІ орынды, 9-сынып оқушысы Расул Дәруішхан ІІІ орынды иеленді.
Қыздар тобында Гүомайра Сүлеймен І орынды жеңіп алды. Жеңімпаздарға алғыс хаттар мен ақшалай жүлделер берілді.
Айта кету керек,№126 орта мектебінің дене шынықтыру пәнінің мұғалімдері М.Бөдеев, А.Тәжібаев, А.Төлегенов, Е.Қуанышовтар жарыстың ережеге сай, әрі қауіпсіз өтуін ұйымдастырды.
«Жүгіру – сүннет» марафонының демеушісі – Ким Вячеслав Константинович. Ол – Қазақстандағы 50 беделді бизнесмендердің бірі, Қазақстан таеквандо федерациясының президенті. Ауылдағы мешіттің салынуына демеуші болған қайырымды азаматтың бұл жолғы өнегелі ісі – ел арасында салауатты өмір салтын насихаттауға, бұқаралық спорттың дамуына аз да болса ықпал еткені сөзсіз.
"ТТ" ақпарат