"Толағай" жарыс алаңында – отбасылар
Бүгінде республика бойынша "Отбасым – бақыт мекені" атты апталық білім беру ұйымдарында өтіп жатқаны белгілі. Отбасы құндылықтарын насихаттау, ата-ананы қадірлеу, үлкенге – құрмет, кішіге – ізет көрсетудің мәнін, тәрбиелік мақсатын алға тартатын апталық аудандағы №135 А.Тоқмағанбетов атындағы орта мектепте өтуде.
Түрлі іс-шаралар арасында отбасыларға арналған "Толағай" отбасылық сайысы ерекше өткенін айта кету керек. Отбасылық командалар жарыс алаңында бақтарын сынап, сайысқа белсене қатысты. Спортты, денсаулықты насихаттаған сайыс жеңімпаздары анықталып, жүлдегерлерге сый-сияпат көрсетіліп, марапатталды.
Б.ЖАНӘЛІ
