Жиын барысында Ел Президентінің 2024 жылдың 2 қыркүйек күні жол­даған «Әділетті Қазақстан: құқық тәрті­бі, экономикалық өрлеу, қоғам­дық оптимизм» атты ҚР халқына Жол­­дауына қатысты қызметкерлерге тех­­никалық оқу өткізілді. Одан бөлек сала мамандары арнайы да­йын­­­даған баяндамаларын оқып, Жол­дауда айтылған бірқатар маңызды мәсе­ле­лерге тоқталып өтті. Жиын бары­сында Жолдаудың бірінші бағыты: Ақша-несие сая­саты мен фискалды сая­саттың ара­сын­дағы үйле­сімсіздікті жою тақырыбында ақпараттар айтыл­ды. Сон­­дай-ақ сыртқы сауда опера­ция­­ларынан түсетін кірістің басқа елдерге заңсыз өтіп кетуіне жол бермеу керектігі жөнінде айтып өтті. Бұған қоса Жолдаудың сегізінші және тоғы­зыншы бағыты: Мемлекет басқару ісінің тиімділігін арттыру және қоғамда заң мен тәртіп идеологиясын терең орнық­тыру тақырыбында сөз қозғалып, маман­дар Президент тапсырмасының өзектілігіне кеңінен тоқталды.

Жиын соңында сала мамандары Жолдауға қатысты бірнеше маңызды тақырып бойынша талқылау жүргізіп, арнайы қойылған сұрақтарға тұ­щым­ды әрі нақты жауап берді. Бұдан бөлек Сырдария аудандық Қазына­шылық басқармасының бас­шысы З.Рахымшаева әр адамға және баршаға бірдей мүмкіндік беретін мемлекетті, яғни Әділетті Қазақс­танды болашақ ұрпақ­қа аманат ету – баршамызға ортақ міндет екенін айтып өтті. Аудандық Мем­лекеттік кірістер басқармасының бас­шысы Н.Нұр­сейтов Жолдауға қа­тыс­ты талқылау жұмыстары алдағы уақыт­та да өз жалғасын табатынын айтып, қорытынды сөз сөйледі.