Бұған дейін сыбайластықты бол­дырмау мақ­сатында Қазақстан Рес­пуб­ликасының 2015-2025 жылдарға ар­налған сыбайлас жемқорлыққа қарсы стратегиясы жүзеге асырылды. Енді Қазақстан Респуб­ликасының сыбай­лас жемқорлыққа қарсы сая­са­ты­ның 2022-2026 жыл­дарға арнал­ған тұжы­рымдамасы бо­йынша жем­­қор­­лық­қа тос­қауыл қойылмақ. Осы тұжырым­да­маны түсіндіру үшін аудандық әкімдікте жиын өтті. Жиында аудан әкімінің орынбасары Т.Нұртазаев қоғам дертімен кү­рес күн тәртібінен түс­пейтінін атап, меймандарға сөз кезегін ұсынды. Ал Қазақстан Рес­пуб­­ликасының Сыбайлас жемқор­лыққа қарсы іс-қимыл агент­тігінің (Сыбайлас жемқор­лыққа қарсы қызмет) Қызылорда облысы бойынша департаменті басшысының бірін­ші орынбасары Ғ.Әлімқұлова мен бас маман Р.Тұраров түсіндірме жұмыстарын жүргізді.

Мамандар 2022-2026 жылдарға ар­нал­ған сыбайлас жемқорлыққа қарсы сая­­сат тұжырымдамасының міндеттеріне тоқ­тал­ды. Атап айтқанда, сыбайластыққа төзбеуш­ілікті қалыптастыруға, жемқор­лық мүмкіндіктерін барынша азай­туға, қылмыс үшін жазаның бұл­тартпастығын қамтамасыз етуге, аза­маттық қоғамды жемқорлыққа қар­сы іс-қимылға одан әрі ауқымды тар­ту жөнінде шаралар қа­былдауға, сыбай­ластыққа қарсы саясатты мониторингтеуге және сыбайлас жемқорлыққа қарсы іс-қимыл жөніндегі уәкілетті органның қыз­метін одан әрі жетілдіруге бағыт­талған нақты рефор­малар мен жобаларды қам­титын 6 міндетті таныстырып өтті. Сала мамандары бұл тұжы­­рым­даманың тиісінше елі­міздегі жем­қорлық қылмысымен кү­­рес­те нәтиже бере­тінін атап өтті.

Кездесу барысында сыбай­лас­тықтың ал­дын алуға қатысты ұсы­ныс-пікірлер ай­тылды.