Тіршілік тынысы Сырдария аудандық қоғамдық-саяси газет
» » Таза суды тәулік бойы тұтынатын уақыт таяу

Таза суды тәулік бойы тұтынатын уақыт таяу

Қазақстанның Тұңғыш Прези­денті Н.Ә.Назарбаев 2020 жылға дейін ауыл-аймақ тұрғын­дарын ауыз сумен қамтамасыз ету мәселесін түбегейлі шешуді жүктеген болатын. Сол бойынша «Ақбұлақ» мемлекеттік бағдарламасы жүзеге асырылып, аймақ халқын сапалы, таза ауыз сумен қамту бағытында қарқынды жұмыс жүр­гізілді. Оның ішін­де ауданға қарасты ел­ді мекендерді тәулік бойы таза ауыз сумен қамтамасыз етуде ай­тарлықтай нәтиже бар. Соның аясында Жетікөлден басқа ауылдарда тұрғын үйлерге су құбырын жеткізу құрылысы арқылы сумен жаб­дықтау жүйесін қайта жаңғырту және кеңейту жұмыстары толық аяқ­талды. Ал Жетікөл ауылында бұл бағыттағы жұмыстар биыл жүзеге асуда.
– Ауылды таза ауыз сумен қам­ту «Жұмыспен қамту жол картасы» мемлекеттік бағдарламасы ая­сын­да іске асырылуда. Бұған об­лыстық бюджеттен 142,4 млн теңге бөлінген. Тапсырыс беруші аудандық құрылыс, сәулет және қала құрылысы бөлімі болса, оны мердігер мекеме «Корпорация Алем-Құрылыс» жауапкершілігі шек­теулі серіктестігі жүзеге асыру­да. Осы бағдарлама бойынша 18 жұмыс орны ашылып, аудандық жұмыспен қамту орталығы арқылы ауыл тұрғындары жұмысқа орна­­ластырылды, – дейді Өмірбек Ділдахметұлы.
– Ауылда 152 тұрғын үй бар. Қа­зіргі таңда су құбыры көшелерге тартылып, үйді-үйге кіргізу жұмыс­тары жүргізіліп жатыр. Сондай-ақ су мұнарасы тұрғызылып, екі насос орнатылды. Біреуі қосымша ретінде қарастырылған. Бұл жұмыс­тар биылғы жылдың маусым айында басталған болатын. Барлық жұмыстар сапалы іске асырылғанда ауыл халқы тәулік бойы таза ауыз суды тұтынатын болады, – дейді «Нұра топтық су құбыры» ШЖҚ РМК «Арал» СЖКБД Сырдария аудандық бөлімшесінің Жетікөл ауылындағы операторы Ғылымжан Қожабаев.
Биылғы жылы ауылдағы ең бас­ты жаңалықтардың бірі – осы сапалы ауыз су жүесінің жүзеге асырылуы. Осы жұмыс толық жүзеге асқанда ауданда ауыз су мәселесі түбегейлі толық шешімін табады. Енді аз уақыттан кейін Жетікөл елді мекенінде тәулік бойы таза ауыз су беретін болады.

Ердос СӘРСЕНБЕКҰЛЫ
10 қазан 2020 ж. 71 0
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам