Енесіне былапыт сөйлегені үшін әкімшілік қамаққа алынды
Сырдария аудандық сотында Қазақстан Республикасының ӘҚБтК-нің 434 бабының 1 бөлігінде көзделген құқық бұзушылықты жасаған азамат К-ға қатысты әкімшілік іс қаралды.Құқық бұзушы 08.12.2024 жылы сағат 20:00 Тереңөзек кенті, Желтоқсан көшесі, №21 үйде енесі І-ге былапыт сөйлеп ар-намысына тиетін сөздер айтып, айналасындағыларға сыйламаушылықты бiлдiріп, қоғамдық тәртiп пен жеке тұлғалардың тыныштығын бұзған.
Сот отырысында құқық бұзушының ұсақ бұзақылық әрекеті, өзінің кінәсін мойындаған жауабымен, сондай-ақ сотта зерттелген іс құжаттарымен толық дәлелденген.Сот қаулысымен К. ӘҚБтК-нің 434-бабының 1-бөлігімен кінәлі деп танылып, 10 тәулік мерзімге әкімшілік қамаққа алу жазасы тағайындалды.
Сырдария аудандық соты
Фото: Н.НҰРЖАУБАЙ
