Тіршілік тынысы Tirshilik-tynysy.kz ақпараттық агенттігі
» » Автокөліктегі өрт қауіпсіздігі

Автокөліктегі өрт қауіпсіздігі

Өрт қауіпсіздігі ережесі бойынша әрбір авто­кө­ліктерде өрт сөндіру құралдарын көліктерін тех­никалық қараудан өткізетін кезде ғана есіне алады. Сондықтан көліктегі өрттің орын алуына көп жағдайда автокөлік иелерінің тікелей өздері кінәлі.

Электр жабдықтарының бұзылуы, жанар-жағармай жүйесінің ақауы, салонда шылым шегу, шындап келгенде, көлік иесінің машинадағы өрт қауіпсіздігіне салғырт қарауы көліктегі өрттің басты себебіне айналып отыр. Машинадағы электр жабдықтары, жанар-жағармай мен синтетикалық материалдар тез тұтанып, жылдам жанатыны белгілі. Соның нәтижесінде, көлік санаулы 3-4 минуттың ішінде от-жалынға айналып үлгереді. Сондықтан төмендегі өрт қауіпсіздік ережелеріне назар аударғаныңыз жөн. Бұл сіздің жеке көлігіңіздегі өрттің алдын алуға септігін тигізері анық.

Қыс кезінде көптеген жүргізушілер суықтан оталмай қалған көліктің қозғалтқышына ашық отты жағып жылытатыны белгілі. Бұл мүлде дұ­рыс емес, аккумуляторды тікелей көлік құралдарына зарядтауға болмайды. Сондай-ақ көлікке жарық түсіру мақсатында ашық отты пайдалануга тыйым салынады. Көліктің қозғалтқышына ғана емес, сонымен қатар электрлік жабдықтарына да назар аударып, техникалық қарауды жиі жүргізу қажет. Автокөліктің жылдамдығын арттырып, өрт­ті сөндіремін деп ойламаңыз. Көлікті өшіріп, қолданбалы тежегішке қойып, жолаушыларды дереу көліктен шығарып, өрт сөндіру қызметіне хабарлағаныңыз жөн. Егер өрт жанармай құятын бак жақта болса, онда жағдай өте қиынға әкеп соғады. Ондай жағдайда қасыңыздағы адамдармен бірге машинадан қауіпсіз жерге тығылғаныңыз дұрыс. Себебі, өртеніп жатқан көлік кез келген секундта жарылуы мүмкін. Қақпақты ашқан кезде от ұшқындарынан сақ болыңыз. Капотты ашар кезде қо­лыңыз күймес үшін шүберекті пайдаланыңыз. Өрт сөндіру құралын жалынның ошағына бағыттап шашыңыз. Егер өрт сөндіру құралыңыз болмаса, басқа қолда бар құралдарды: құм, су, қар, брезент немесе жаңғыш емес материалдарды пайдаланғаныңыз жөн.

Құрметті автокөлік иелері! Көлігіңіздің бұзылмай, сізге ұзақ қыз­мет ету үшін және машинаңыз өртеніп, материалдық шығынға ұшы­рамас үшін көлігіңізді барынша күтіп ұстаңыз. Егер өрт шыққан жағ­дайда дереу 101 нөмірі арқылы өрт сөндіру бөлімін шақырыңыз.

Сырдария ауданының
төтенше жағдайлар бөлімі
20 қыркүйек 2022 ж. 339 0