Пробоция есебінде тұрған азамат сотталды

Өткен жылы Сырдария аудандық пробация қызметінің есебінен барлығы 88 қоғамнан оқшаулауға байланысты емес жаза түріне сотталғандар өткен. Есептік кезең аяғында пробация қызметінде 45-сотталған есепте тұрды. Сотталғандарды қоғамға деген оң көзқарасын қалыптастыру мақсатында 2020 жылдың 12 айында біршама жұмыстар атқарылған. Атап айтқанда, 6 сотталған азамат квота бойынша жұмысқа орналастырылса, 64 сотталғандар ем қабылдаған. Ал 63 азаматқа психологиялық көмек берілсе, 3 азамат несие алған. 1 рет құжаттандырылса, 78-заң көмегі көрсетіліп, түрлі мәдени-спорттық іс-шараларға тартылған. Дегенмен, осы көмектерден еш нәтиже шығармай жаза өтеу тәртібін жүйелі түрде бұзатын сотталғандарда жетерлік.

Мәселен, Жаңақорған аудандық сотының 04.09.2020 жылғы үкімімен ҚР.ҚК-нің 188-бабының 3-бөлігімен кінәлі деп танылған азаматқа 2-жыл 6-ай мерзімге бас бостандығын шектеу жазасы тағайындалған. Сырдария ауданы, Тереңөзек кенті тұрғыны 1991 жылы туылған Н есімді азамат қоғамдық тәртіп пен имандылықты қорлайтын масаң күйде жүргендігі үшін 2 рет әкімшілік жауаптылыққа тартылған. Сонымен қатар сотпен тағайындалған 100-сағат мәжбүрлі еңбекті орындамағандығы үшін пробация қызметімен ескерту жазалар шарасы қолданылып, ұсыныс негізінде Сырдария аудандық сотының 27.01.2021 жылғы қаулысымен жазасының өтелмеген 1-жыл 10-ай мерзімге бас бостандығынан айыру жазасына ауыстырылды.

Алдағы уақытта осындай жаза өтеу тәртібін жүйелі түрде бұзатын сотталғандарға қатысты сот органдарға жаза түрін ауыстыру бойынша ұсыныстар жолданытын болады.

Балтабай ОРДАБЕКОВ