Американдық бизнес-кеңесші Стивен Ковидің "Жетістікке жеткендердің 7 дағдысы" атты танымал кітабі қазақ тіліне аударылды, - деп хабарлайды liter.kz тілшісі.
Бұл кітап Астана қаласының 20 жылдығына орай Қазақстанның жас кәсіпкерлері қауымдастығының қолдауымен "Advert Optimus" ЖШС-нің бастамасымен және ұйымдастыруымен аударылған. Американдықтың танымал кітабын Time журналы "Жоғары нәтижелі адамдардың жеті дағдысы. Жеке басты дамытудың қуатты құралы" деп, 25 ең ықпалды бизнес-кітаптың бірі екенін атаған. Әлемнің 73 еліне тараған бұл бірегей кітаптың негізі гуманистік психологияға құрылған. АҚШ-тың бұрынғы президенті Билл Клинтон табысқа жетуге ұмтылған әрбір адамның үстелінің үстенде осы кітап болуы керек деп санаған.
Әлем сарапшылары Стивен Кови ұсыныстарын жан-жақты дейді. Өйткені, оның ұсыныстары барлық жерде және әрқашан қолданылатын қағидаттар мен ережелерге негізделген. "Жетістікке жеткендердің 7 дағдысы" кітабы кез келген елдің, кез келген саланың табысты болуына септігін тигізеді екен.