Негізінен, «Еңбек нәтижелі жұмыспен қамту және жаппай кә­сіпкерлікті дамыту» бағдарламасының екінші бағыты бойынша жүйелі жұмыс көзін ұйымдастырып, халық игілігі жолында тың бастаманың нәтижесі аңғарылады. Мәселен, «Ауылшаруашылығын қаржылай қолдау қоры» АҚ-ы, «Сырдария-1», «Өңірлік инвестициялық орталығы», «Инвест Груп» несие серіктестігі арқылы «Мал басын көбейту» мақсатында 19 жоба 55 млн. теңгеге қаржыландырылған. Сонымен қатар Қызылорда «Өңірлік инвес­тиция орталығы» бағдарламасы арқылы 3 жоба 10 млн. 500 мың теңгеге, «Агробизнес-2020» бағдарламасы бойынша 1 жоба 5 млн теңгеге, «Бизнес жол картасы-2020» бағдарламасының грант бөлу тетігі бойынша жеке кәсіпкер «Жүсіпов»-тің «Ағаштан жасалған өнімдер» жобасы 778,0 мың теңгеге, «Жаңа бизнес идеяларды іске асыру» грант тетігі бойынша 6 жоба ұсынылып, оның ішінде 4 жоба 960 мың теңгеге қаржыландырылып, алдағы уақытта кәсіпкерлер жемісін көруге дайын. Ал, тағы айта кетерлігі «Өңірлік инвестициялық орталығының» бақылау кеңесі арқылы 2 жоба 4 млн теңгеге, «Ауылшаруашылығын қаржылай қолдау қоры» АҚ-ы арқылы 3 жоба 9 млн. теңгеге қаржыландыру мақұлданған. «Бизнес жол картасы-2020» бағдарламасының субсидиялау тетігі бойынша «Сәулебек» шаруа қожалығы «Мал басын асылдандыру» жобасы аясында 10 млн. теңге алған. Ауылда «Бизнес Кеңесші», «Бизнес бастау» жобасы негізінде 27 адам оқытылып, сертификат табысталған.

Жоғарыдағы аталған көрсеткішке көз жүгірте отырып, ауылдағы кәсіп ашқан азаматтармен жолығуға ниет таныттық. Қазіргі халыққа тиімділігі жоғары, сұранысқа ие кәсіп түрін игеру басты мақсат. Ендеше, көптен бері өз кәсібіне ден қойып, едәуір есімі халыққа танылған жандарды назарларыңызға ұсынамыз.