Биыл орталық аурухана ел игілігіне беріледі
Арал ауданындағы көптен бері шешімін таппаған мәселе - орталық аурухананың құрылысы. Осы орайда, республикалық бюджеттен тиісті қаржы бөлініп, қазіргі таңда жаңа ғимарат Арал қаласынан бой көтерді. Биылғы жылы бұл нысанды халық игілігіне беру жоспарланған.
Сондай-ақ, медициналық қызметтің сапасын жақсарту бағытында ауданда «ВВNURA» гемодиализ орталығы ашылды.
Ауданда мемлекеттік-жекешелік әріптестік аясында Қосжар, Мергенсай, Ақбасты елді мекендерінде жаңа медициналық бекет салынды.
Мұхтар Оразбаев, аудан әкімі:
- Ауданның демографиялық көрсеткішіне тоқталсақ, 2017 жылы 1710 бала туылып, 1 жасқа дейінгі шетінеген нәрестелер саны төмендеп отыр.
Туберкулез ауруымен алғаш рет тіркелгендер саны 2016 жылы 51 болса, 2017 жылы 45–ті құрап, ауру көрсеткіші төмендеді.
