Бұл ретте, Сырдария аудандық төтен­ше жағ­дайлар бөлімінің кел­тірген статис­тика­лық мәлі­метіне сүйенсек, 2026 жылдың басынан бастап Қызылорда об­лы­сының су айдынында түрлі себептермен 6 адам қаза бол­ған. Оның ішінде 2 бала бар. Төтенше жағдай ретінде тір­кел­ген 2 оқиға орын алған. Бұл көрсеткіш тұрғын­дардың қауіпсіздік талабын сақтауының ма­ңыз­дылығын тағы бір мәрте дәлелдейді. Төтеншеліктердің айтуынша, Сырдария ауданында ағымдағы жылдың басынан бері суға кету оқиғасы тіркелмеген. Дегенмен бұл жағдай қауіптің толық сейілгенін білдірмейді. Себебі аудан аумағындағы өзен мен канал, суару жүйесі және басқа да су айдыны тұрғындардың ерекше сақ болуын аңғартады.

– Судағы қайғылы жағдайдың негіз­гі себебі көбіне адамның өз қауіпсіздігіне немқұрайлы қарауынан туындайды. Атап айтқанда, балық аулау кезінде қауіпсіздік ережесін сақтамау, спирттік ішімдік ішкен күйде суға түсу, белгіленбеген орында шомылу, судағы қауіп-қатерді бағаламау және баланы үлкендердің қарауынсыз қалдыру адам өліміне әкелетін негізгі фактор болып отыр. Осыған байланысты облыс әкімдігі мен төтенше жағдайлар органдары азаматтардың судағы қа­уіпсіздігін қамтамасыз ету бағытында кешенді жұмысты жүйелі түрде жүр­гізуде. Облыс әкімдігінің 2025-2027 жыл­дарға ар­налған іс-шара жос­парына сәйкес су айдынындағы қауіп­сіздікті қам­тамасыз ету бойынша нақ­ты міндет бел­гі­леніп, тиісті жұ­мыс атқарылуда. Тұр­ғын­дардың қауіпсіз де­малуына жағдай жа­сау мақ­сатында Тереңөзек кен­тіндегі «Қалғандария» дема­лыс аймағында коммунал­ық жа­ғажай жұмыс істейді. Аталған жағажай облыс әкімдігінің қаулысына сәйкес бел­гіленіп, азаматтардың қауіпсіз шо­мылуына қажетті жағдай қарас­тырыл­ған. Мұндай арнайы жабдық­талған орын тұрғындардың өмірі мен денсаулығын қорғауға бағытталған маңызды нысанның бірі болып табылады. Шомылуға рұқсат етілмеген және қауіпті аймақты тұрғындарға ескерту мақ­сатында аудан көлемінде ақпараттық белгілер орнатылған. Қазіргі таңда су айдындарының жағалауында 39 ескерту тақтайшасы, 10 трафареттік жазу және 14 билборд орналастырылған. Бұл ескерту белгілерінде судағы қауіпсіздік талаптары мен шомылуға тыйым салынған орындар туралы ақпарат көрсетілген, – дейді аудандық төтенше жағдайлар бөлімінің бастығы, азаматтық қорғау под­полковнигі Ш.Ермекбаев.

Айта кетейік, ҚР Төтенше жағдайлар министрі­нің 2026 жылдың 3 наурыздағы №123 және Қызылорда облыстық төтенше жағдайлар департаменті бас­тығының 2026 жылғы 6 сәуірдегі №71 бұйрығын басшылыққа ала отырып, аудан аумағындағы су айдынында тұрақты түрде рейдтік жұмыс жүргізілуде. Рейдтік іс-шараға аудандық төтенше жағдайлар бөлімі, аудандық полиция бөлімі, жер­гілікті атқарушы органдардың қызметкерлері және еріктілер жұмылдырылған. Күн сайын сағат 12.00-ден 20.00-ге дейін жүргізілетін рейдтердің негізгі мақсаты – азаматтарға қауіпсіздік талаптарын түсіндіру, балалардың қараусыз су айдынына баруының алдын алу және заң талабының орындалуын бақылау. Мұндай іс-шара тұрғындар арасында қауіпсіздік мәдениетін қалыптастыруға және құқық бұзушылықтың алдын алуға мүмкіндік береді.

Сала мамандары түсіндіру жұмыстарының нәти­жесінде, осы күнге дейін 150-ден астам тұрғынға ақпа­рат берді. Оның ішінде, 80-ге жуық жасөспірімге судағы қауіпсіздік ережесі түсіндірілді. Тұрғындарға арнайы жадынама мен ақпараттық парақшасы таратылып, суға түсу кезінде сақталуы тиіс негізгі талап жан-жақты қарастырылды.

– Балалардың қауіпсіздігі – басты назардағы мәселе. Осы мақсатта аудандық білім бөлімі­мен бірлескен жұмыстар тұрақты түрде ұйымдас­тырылуда. 2026 жылғы қаңтар-мамыр айлары­на арналған арнайы жоспарға сәйкес аудан мектеп­терінде төтенше жағдайлардың алдын алу бағытында түрлі іс-шаралар өткізілді. Білім беру ұйымдарында «Өрт қауіпсіздігі талаптары», «Төтенше жағдайлар кезіндегі қорғану әдістері», «Өрт – тілсіз жау», «Жаз мезгіліндегі қауіпсіздік талаптары» тақырыптарында сынып сағаттары мен түсіндіру сабақтары ұйым­дастырылды. Бұл сабақтардың басты мақсаты – жас ұрпақтың қауіпсіздік мәдениетін қалыптастыру және төтенше жағдайлар кезінде дұрыс әрекет ету дағдыларын үйрету. Аудандық прокуратура, аудандық білім бөлімі және төтенше жағдайлар сала­сы мамандарының қатысуымен №35 және №37, №126, №135 білім ошағында ата-аналарға арналған кездесу, ашық сабақ пен тәрбие сағаты өткізілді. Кездесу барысында балалардың қауіпсіздігі үшін ата-аналардың жауапкершілігі кеңінен айтылып, жазғы демалыс кезінде балаларды бақылаусыз қалдырмау қажеттігі айтылды. Қазіргі уақытта әлеуметтік желі мен мессенджердің мүмкіндігі де тиімді пайдаланылуда. WhatsApp топтары арқылы тұрғындарға қауіпсіздікке қатысты бейнеролик, жадынама мен ақпараттық хабарлама тұрақты түрде жолдануда. Бұл бастама көпшілікке қауіпсіздік талаптары жөніндегі ақпараттануын арттыруға мүмкіндік беруде, – дейді бөлім басшысы.

Заң талабын орындамаған азаматтарға қатысты тиіс­ті шаралар қолданылып келеді. Мәселен, 2026 жылғы 25 мамырда жергілікті екі тұрғынға Қазақстан Республикасы Әкімшілік құқық бұзушылық туралы кодексінің 412-бабына сәйкес су айдындарындағы қауіпсіздік қағидаларын бұзғаны үшін әкімшілік айыппұл салынды. Бұл шара әрбір тұрғынның жауап­кершілігін арттырып, құқық бұзушылықтың алдын алуға бағытталған.

Сырдария ауданында азаматтардың судағы қауіпсіздігін қамтамасыз ету мәселесі тұрақты бақылауда. Алдағы уақытта да профилактикалық, түсіндіру және бақылау жұмысы жалғасып, тұр­ғындардың өмірі мен денсаулығын қорғауға бағы­т­талған шаралар жүйелі түрде жүзеге асырыла бермек.