Іс-шара Қызылорда қаласының әкімдігі мен әскери құрылымдардың бірлесуімен ұйымдастырылып, жоғары деңгейде өтті. Салтанатты жиынға әскери қызметшілер, ардагерлер, жастар және қала тұрғындары қатысып, ел қорғаған ерлердің рухына құрмет көрсетті. Бұл — ұрпақтар сабақтастығын жалғайтын, патриоттық тәрбиені дәріптейтін маңызды басқосу болды.

Жиын барысында 5547 әскери бөлімінің жеке құрамы сап түзеп, әскери тәртіп пен ұйымшылдықтың жарқын үлгісін көрсетті. Сарбаздар мемориалға гүл шоқтарын қойып, ел тыныштығы үшін жанын қиған батырлардың рухына тағзым етті. Бұл сәт көпшілікке ерекше әсер сыйлап, жүректерге мақтаныш сезімін ұялатты.