Жиында аудан басшысы жаңа Конс­титуция жоба­сын­дағы жаңашыл бас­та­ма­лардың елдің орнықты дамуына және азаматтардың әлеу­­меттік ке­піл­діктерін ны­ғай­туға бағыт­талғанын атап өтті.

– Мемлекет басшысы Қасым-Жомарт Кемелұлы Тоқаев бұ­ған дейінгі ауқымды сая­­си ре­формалардың жалғасы ретін­де Конституциялық рефор­ма­­ға қа­тысты ұстанымдарын жет­­кіз­ген болатын. Бұл – еліміз­дің кемел келе­шегі үшін өз таңдауымызды жасап, қас­терлі Отанымыздың берік не­гізін қалауға берілген тарихи мүмкіндік. Конс­титуциялық ре­­форма – еліміздің саяси жаң­ғыруына, азаматтардың құқықтары мен бостан­дық­тарын күшейтуге, қоғам мен мем­лекет арасындағы өзара сенімді нығайтуға бағытталған. Жаңа Конс­титуция жобасында Ұлы Даланың мыңжылдық тари­хының сабақтастығы сақ­­­­талып, мемлекеттің шекара­сына, аумақтық тұтас­тығына қол сұғуға болмайтыны нақ­тыланған. Бірлік пен ынты­­мақтастық, ұлтаралық, дін­­ара­лық келісім Қазақстан мем­­­­­лекеттілігінің негізі ретінде бел­гі­ленген. Жаңа Ата Заңның басты идеясы ретінде білім мен ғылым, мәдениет пен инновация анықталған. Елдігіміздің басты нышаны болып табылатын жаңа құжатта «Адам мем­лекет үшін емес, мемлекет адам үшін» қағидаты айқын­далған. Жаңа Конституцияда Әділеттілік, Заң мен Тәртіп, табиғатқа ұқыпты қарау сияқ­ты қағидаттар алғаш рет Конституция дең­гейінде бекі­тілген. Алдағы рефе­­рендум – қоғам үшін маңызды тарихи таңдау. Әрбір аза­мат­тың белсенді қатысуы ел бола­шағын айқындауда айрық­ша рөл атқарады, – деді Берік Әбдіғаппарұлы.

Жиында сөз алған аудан про­куроры Конституциялық ре­фор­маның құқықтық не­гіздері, «Заң мен тәртіп» қағи­да­тының үстемдігі бойынша айтып өтті.

– Президентіміз Ұлттық Құрыл­тайда конституциялық, парламенттік және мем­лекеттік басқару жүйесін жаң­­ғыртуға бағытталған жа­ңа реформаларға ерек­ше тоқ­талып, ел болашағы үшін ма­ңызды бағыттарды айқындап берді. Конс­титуциялық рефор­ма – мемлекеттің саяси-құқық­тық жүйесін жетілдіруге бағыт­талған стратегиялық процесс. Оның бас­ты мақсаты – билік тармақтары ара­сындағы те­пе-теңдікті нығайту, адам құқық­тарын қорғауды күшейту және құқықтық мемлекетті одан әрі дамыту, – деген аудан прокуроры заңдылықты нығайтуға бағыт­талған жүйелі жұмыстар жүргізіліп жатқанын жеткізді.

«Конституциялық реформа­ларды жү­зеге асыру – тек билік­тің емес, барша халықтың ортақ жауапкершілігі. Бірлік пен ынтымақ бар жерде ғана әділетті, қуатты және бәсекеге қабілетті мемлекет қалыптасады. Сондықтан осындай тарихи кезеңде бар­шаңызды бірліктің озық үлгісін көрсетуге шақырамын» деген облыстық мәслихат депутаты, аумақтық коалиция мүшесі Жұмабек Әшімұлы ре­­фор­малардың түпкі мәні Тәуелсіздігімізді нығайту, елі­міз­дің әлеуметтік-эконо­ми­калық дамуын қамтамасыз ету және халықтың әл-ауқатын арттыру арқылы Әділетті, Қуатты, Таза Қазақстанды құру екендігін жеткізді.

Өз кезегінде «AMANAT» пар­­­тия­сының Атқарушы хатшысы, аумақтық коалиция же­тек­­шісінің орынбасары Ақтөре Ибрагимұлы, мәдениет саласының ардагері Сансызбай Сәдуақасов және аудандық әйелдер кеңесінің төр­айымы Жанна Сәркеева сөз сөйлеп, Конс­титуциялық өзгерістердің ел бола­шағы үшін маңызды екеніне тоқ­талды. Жаңа бас­тамалар құқықтық мемлекет қағидаттарын ны­ғайтып, аза­маттардың құ­қықтары мен мүд­­делерін қор­ғауға, әділетті қоғам қалып­тастыруға негіз болатынын атап өтті.