Келелі басқосуға аумақтық коа­лиция­ның жетекшісі Ержан Әжікенов, аумақтық коалиция мү­шелері Жұмабек Ембергенов, Ақтөре Ибрагимұлы мен жас­тар қатысты. Ең алдымен, Халыққа қызмет көрсету орта­лығында тұрғындармен жә­не сала мамандарымен кездесу өт­кі­зіл­се, одан кейін «Руханият орталығында» аудан жастарымен пікір алмасу жүзеге асты.

– Конституциялық реформа Мемлекет басшысы Қасым-Жомарт Тоқаевтың Қазақстанда бір палаталы Парламент құру жө­нін­дегі бастамасының негі­зінде туындады. Президент бұл идеяны 2025 жылғы 8 қыр­күйек­­те халыққа арнаған жыл сайынғы Жолдауында жариялап, оның мақсаты саяси жүйені кешен­ді түрде жаңғырту және жасан­ды интеллект дә­уірін­де Қазақстанның әлеу­мет­тік-эко­но­­микалық да­муының одан арғы үдерісіне оң ықпал ету екенін атап өтті. Өз кезегінде белгілі заңгерлер, сарапшылар, сая­си партиялар мен қоғамдық ұйым­дар фракцияларының өкіл­­­­­дері бар жұмыс тобы Конс­титуция­ның жаңа жобасын жазып шық­ты. Азаматтар да e-Otinish және eGov порталдары арқылы өз пікірлері мен ұсы­ныстарын жолдап, тал­қылауға белсенді қатысты. Жаңа Консти­туция жобасы көпшілік назарына бұ­қа­­ралық ақпарат құралдары ар­қы­лы ұсынылды. Өздеріңіз танысқан боларсыздар, Мемле­кетіміздің бас­ты құжаты 80 па­йызға жуық жаңартылғалы тұр. Жаңа Конституция жобасы – ел­дегі саяси жаңғырулардың заң­ды әрі кезең-кезеңімен жү­зе­­­ге асып келе жатқан ре­фор­­малардың жалғасы. Бұл құжат мемлекеттілікті нығай­тып қана қоймай, билік пен қоғам арасындағы өзара жа­уап­­кершілікті күшейтеді, аза­мат­тардың шешім қабылдау үде­рі­сіне белсенді араласуына жол ашады. Негізгі құндылық – адам және оның құқықтары мен бос­тандықтары. Сондықтан Ата Заң халықтың мүддесіне қызмет ететін, әділетті әрі ашық қоғам қалыптастыруға бағытталған нақ­ты әрі тиімді тетіктерді қамтуы тиіс. Бұл бас­тамалар ел бірлігін бекемдеп, әлеуметтік тұрақтылық пен орнықты да­му­ға берік негіз қалайды. Біз­дің басты міндетіміз – осы өзгеріс­тердің мәні мен маңызын өңір тұрғындарына жан-жақты түсін­діріп, олардың пікірін ескеру ар­қылы қоғамдық диалогты күшей­ту, – деді мәжілісмен.