Сырдариялық ұстаздар Конституциялық реформаны талқылады
Бүгін Сырдария ауданы бойынша білім бөлімі ғимаратында аудан мектептерінің ұстаздары жиналып, Конституциялық реформаларды талқылады. Кездесу барысында білім саласындағы жаңалықтар, жаңартылған бағдарламалар және Конституциялық өзгерістердің білім беру жүйесіне ықпалы сөз болды.Ұстаздар жаңа Конституция жобасындағы білім беру сапасын арттыруға, оқушылардың құқықтары мен мүмкіндіктерін қорғауға бағытталған нормаларды талқылады. Кездесу соңында олар ұсынылып отырған реформаларды қолдайтынын білдіріп, мектептегі сапалы білім беру мен оқушылар мен ұстаздар арасындағы сенімді нығайтуға үлес қосатынын атап өтті.
