Қызмет еткен жылдары жан­уар­­лар денсаулығын сақтау, жұқ­палы аурулардың алдын алу, вете­­­ри­нариялық-санитариялық талап­тардың орындалуын қамта­масыз ету бағытында жауапты жұмыс атқарды. Өз ісіне жоғары жа­уап­­кершілікпен қарап, әріптестері мен тұрғындар арасында құрметке ие болды.

40 жылдан астам еңбек тәжіри­бесі мол Ерболат Жұмабеков көп жылғы еңбегі үшін аудан әкімі­нен және тағы да басқа сала бас­шылығының алғыс хатымен марапатталды. Бүгінде сала ардагерінің жинаған мол тәжірибесі мен өмірлік ұстанымдары жас маман­­дарға үлгі.

Ерболат Мұсаханұлы 1955 жы­лы Сырдария ауданына қарасты Амангелді ауылында дүниеге кел­ді. Білімге құштар азамат Алматы қаласындағы зоотехникалық мал дәрігерлік институтына оқуға түседі. Білімін жетілдіріп, алғашқы қыз­меттік жолын сол кездегі Сырдария ауданындағы аудандық инс­­пек­цияда мал дәрігері болып қызметке орналасады. Тәжірибелі мал дәрігері басшылық қызметін Аман­гелді ауылында жалғастырады. Қашанда ауыртпалығы мол салада тегеу­рінділік танытқан арда азамат мал дәрігерлік қызметтің бүге-шүгесіне барынша қанығады.

Негізінен, уақытпен санаспайтын саланың жұмысы қым-қуыт келеді. Малы ауырған көпшілік мезгілсіз уақыт­та шақырып, жәрдем сұрайды. Ветеринар «Алтын сұр» қаракөл тері илеу цехының басшысы қызметін атқарып, түрлі семинарларға қаты­сып, жүлдені қолдан бермеген.

Бүгінде зейнет демалысында жү­ріп, жастарға бар ақылын аямайтын Ерболат жұмыста жүрген кезде ірі қара мал тұқымын асылдандыру жұмысын жүргізген. Ауданға қарасты төрт елді мекеннің мал дәрі­гері болып, зейнетке шығады.

Қазіргі таңда жұбайы Қамарай Рамазанова екеуі 5 ұл-қызды тәр­бие­леп өсіріп, 20 немеренің ата-әже­сі болып отыр.