Биыл Мемлекет басшысы Қасым-Жомарт Тоқаев Қазақстан халқына Жолдауын жариялап, ел дамуының жаңа бағыттарын айқындап берді. Президентіміздің Жолдауында көтерілген мәселелердің барлығы қазақстандық қоғам үшін өзекті. Әсіресе, жастарға бағытталған бастамалар ерекше қуантады. Аудан жастарының болашағы үшін де білім, еңбек және мүмкіндік теңдігін қамтамасыз ету – ортақ міндет болып табылады.

Осы ретте бірер жыл бұрын аудандық мәслихаттағы «AMANAT» пар­тиясы депутаттық Фракциясының қолдауымен «Жастар» аллеясын салу­ға жергілікті бюджеттен қаржы бөлінген болатын. Қазіргі таңда жүйелі жұмыс жоспары орындалып, жастар үшін қолайлы мекенге, демалыс орнына айналды.

Жастар аллеясы – жастардың бос уақытын тиімді өткізуіне, демалуына және өзіндік белсенділігін арттыруға арналған қоғамдық кеңістік. Мұндай аллеялар Қазақстанның қалалары мен елді мекендерінде абаттандыру бағдарламалары аясында ашылған.

Осы орайда жастарға арналған аллея мен демалыс орыны олардың жан-жақты дамуына, саламатты өмір салтын қалыптастыруына және әлеуметтік белсенділігін арттыруға зор мүмкіндік береді.

Тереңөзекке кіреберісінде бой көтерген «Жастар» аллеясы қазіргі таңда серуендейтін орталық, заманауи орындықпен, жасыл желектермен безендірілген. «Жастар» аллеясы болашақ жастарды елінің тағдырына бейжай қарамайтын, жоғары аза­маттық жауапкершілікке ие, отан­сүйгіш, ұлттық құндылықтарды құр­меттейтін және қоғамдық өмірге белсене араласатын тұлға ретінде қалыптастыруға бағытталған маңыз­ды әлеуметтік жоба болып табылады. Аталған аллея жастардың бос уақытын тиімді ұйымдастыруға, олар­дың мәдени, рухани және физи­калық дамуына жағдай жасап, саламатты өмір салтын ұстануына ықпал етеді. Сонымен қатар, «Жас­тар» аллеясы түрлі патриоттық іс-шара, тәрбиелік кездесуді өткізуге арналған ашық алаң ретінде қызмет атқарады. Жас ұрпақтың туған жерге деген сүйіс­пеншілігін арттыруға, ел бірлігі мен қоғамдық келісімді нығайтуға өз үлесін қосады. Осындай жобалар арқылы жастардың әлеуеті ашылып, олардың мемлекет дамуына қосар үлесі арта түседі.

Өз кезегінде «AMANAT» партия­сы қолға алған «Таза бейсенбі» экологиялық акциясы аясында «Жас­тар» аллеясында аудан жастарымен бірге тазалық жұмыстары жүргізіліп отырады.