Жалған белгі тағып алған жүргізуші жауапқа тартылды

Сырдария аудандық сотында азамат А.-ға қатысты Қазақстан Республикасының ӘҚБтК-нің 590-бабының 4-бөлігімен әкімшілік құқық бұзушылық туралы іс қаралды.

Әкімшілік құқық бұзушылық туралы хаттамаға сәйкес, азамат А. 21.04.2025 жылы Сырдария ауданы, Ақжарма ауылы, 5-бригада деп аталатын жерде автокөлігін көрiнеу жалған мемлекеттік белгісін тағып басқарған.

Сот отырысында оның құқық бұзушылық әрекеті, өзінің кінәсін мойындаған жауабымен, сондай-ақ сотта зерттелген іс құжаттарымен толық дәлелденген.

Сот қаулысымен А. жасаған құқық бұзушылығы үшін кінәлі деп танылып,оған 1 тәулікке әкімшілік қамаққа алу жазасы және 1 жыл мерзімге көлік құралын басқару құқығынан айыру түріндегі әкімшілік жаза тағайындалды.

Сырдария аудандық соты

Фото: Н.Нұржаубай